ESPEZIALISTAREN IKUSPEGIA
Ideien, sormenaren eta hainbat teknologiari buruzko ezagutzaren nahasketa izan da IK4-TEKNIKERek enpresetan, beste batzuen artean, diseinatzeko eta ekoizteko modua aldatu duten zenbait garapen harrigarri bultzatzeko beharrezkoak izan diren osagaiak. Gure teknologian espezializazio handia, merkatuaren beharrak ulertzea eta, noski, gure bezeroekin lankidetza handia behar du, haiek baitira haien negozioetan espezialistak.
Urte guzti hauetan zehar aldaketa garrantzitsuak ekarri dituzten unean uneko lorpen batzuk azpimarratzea gustatuko litzaiguke.
Horrela, adibidez, fabrikazioaren arloan gogoratzen dut motor linealekin abiarazitako nazioko lehenengo abiadura handiko makina. BIZKOR, horrela zuen izena, eta 1998. urtean diseinu sari nazionala jaso zuen.
Bere diseinu eta eraikuntzarako, behin baino gehiagotan Alemaniara joan behar izan genuen, Stuttgart-en dagoen ZTF gisako erreferentzia zentroetara, merkatura atera berriak ziren motor linealen berezitasunak zuzenean ezagutzera. Hori lorpen bat izan zen, ez bakarrik saria irabazi genuelako, baizik eta konponbide eraikitzaile gisa dinamika handiko makinetan motor linealak erabiltzeari buruzko makina-erreminta sektoreko mesfidantzak kentzea lortu genuelako.
Fabrikazioaren mutur txikienera pasatuz, mikro eta nano eskalara, mikrofabrikazioarekin lortutakoak aplikatzeko egin genuen lehenengo proiektu industrial handia ere lorpentzat har dezakegu.
1997. urtean IK4-TEKNIKERek Espezializazio Programa bat abian jarri zuen, eta ultradoitasun teknologietan I+G unitate bat sortu zen. Plan hau 2001. urtean “Tekniker Micro Machining” (TMM) izeneko mikroekoizpenerako laborategi bat sortzearekin batera gauzatu zen.
2005. urtean jada ahoko aparatuentzako euskarri edo bracket berriak kalitate handiko materialetan mikroinjekzioa erabiliz ekoizten ari ginen. Hori lortzeko, beharrezkoa izan zen prozesu oso bat: lehenengo, ahoko euskarria polimeroan egiteko berriro dimentsionatu; proba funtzionalak gainditzeko eta osasun egiaztatzeak lortzeko zuzenean unitate solteak fabrikatu mikrofresaketa bidez, eta azkenik, mikro moldeak fabrikatu, eta gero erabili. Hau guztia EuroOrtodoncia enpresarekin elkarlanean eta PCT/ES2005000346 patenteak babestua egin genuen.
Harrezkero, gero eta konplexuagoak diren ahoko euskarri ezberdinak egin dira gure mikrofabrikazioko laborategian.
Zehaztasun handiko tresneriaren diseinuan eta fabrikazioan espezializatzeak erreferentzia zentroekin lan egitera eraman gaitu, esaterako, Espainiako Metrologia Zentroarekin, estatuko laborategi nagusia dena.
Beste batzuen artean gogoratzen dut, bere konplexutasunagatik, fabrikazioagatik eta abian jarri zuelako presioen patroi nazionala martxan. 2009. urtean abian jarri zenetik, munduko barometrorik puntakoena dela esan genezake, esku azpiaren eta esku ahurraren goiko aldearen arteko presio atmosferikoa bereizteko gai da.
Gertaera garrantzitsu hauek eta beste batzuek baimendu digute gure ikerketa-jardueran sortutako ezaguerak industrian erabiltzea.
Askotan zaila egiten da teknologia batzuen edo beste batzuen alde egitea, merkatua oraindik ez da existitzen eta gure beharra zentro teknologiko gisa da gure industriako etorkizuneko beharretara eta enpresa sareen beharretara aurreratzea. Hemen aipatutako proiektuetako asko hasi genituenean, ez ginen egiten ari ginen ibilbidearen jakitun, eta haien garrantziaz soilik bizitza lorpen hauek gabe imajinatzen dugunean konturatzen gara.
