PROIEKTUAK
Eredua da Unamuno enpresak merkaturatua duen ardatz askoko tornu bat, prezisioko dekoletaje bidezko piezak ekoiztekoa, eta eboluzioa, berriz, ekoizpena bizkortu eta merkatu egiten duen diseinu berritzailea.
Unamunoren eta IK4-TEKNIKERren arteko lankidetzaren hasiera da garapen hau, eta Unamunoren “Maxima 65” makina-multzoaren azken eboluzioari diseinu modularra aplikatzean datza.
Diseinu berria “Maxima 9-65” ereduan integratu da, eta hainbat eredutan erabil daitezkeen piezak ditu; kostuak baxu atxikitzen eta ekoizte-denbora murrizten laguntzen duen aurrerapauso bat da hori.
“Maxima 9-65”-ek, gainera, tresnen bizialdia kontrolatzeko sistema berritzailea dauka, bai eta ezein langileren kontrolik gabe bere kasa funtzionatzeko kontrol-zerbitzua eta beharrezko sentsoreak ere. Azkenik, bezeroaren telefono mugikorrera alarma-seinaleak bidaltzen dituen sistema bat eta makina eraginkorrago kontrolatzeko bideo-kamara sistema bat dauzka ereduak.
“Maxima 9-65” eredua, IK4-TEKNIKERrek eta Unamunok elkarlanean garatua, Erresuma Batuko Burnett & Hillman enpresak erosi du. Egokigailu hidraulikoak fabrikatzen espezializatuta dago enpresa hori, eta egokigailu hexagonalen produkzioa hobetzeko erosi du.
IK4-TEKNIKERren eta Unamunoren teknologiari esker, enpresa britainiarrak produkzio-denbora laburragoak lortu ditu, eta horrek, makinak aldi berean hiru tresnekin jarduteko ahalmenarekin batera, emaitzetan hobekuntza nabarmena ekarri dio.