PROIEKTUAK
IK4-TEKNIKERek diagnostiko teknologikoak eta kudeaketa industrialari buruzko diagnostikoak egiten ditu, enpresen lehiakortasuna areagotzeko.
Mundu-mailako eragile ugarik osatzen duten enpresa-ingurunean, ETEentzat ezinbestekoa da kide teknologikoekin elkarlanean aritzea, berrikuntza-programak aktibatzen laguntzen baitiete horiek, merkatuan lehiakortasuna eta indarra bermatzeari begira.
Gure inguruko enpresa-ehundura ETEek eta mikroETEek eratzen dute batez ere, eta laguntza behar dute beren berrikuntza-planak arrakastaz ezarri ahal izateko. Alabaina, enpresa-dimentsioa ez da oztopo gaindiezintzat hartu behar. Esaterako, Europako Batzordeak eskualdeko berrikuntza-polotzat jo du Euskadi, Zientzia, Teknologia eta Berrikuntzako Euskal Sistemaren perspektiba konparatua eta pertzepzio-analisia txostenaren arabera (Innobasquek egin du txostena).
Testuinguru horretan, enpresaren errealitateari zeharo egokitutako diagnostikoak egiten ditu IK4-TEKNIKERek, enpresaren garapen teknologikoaren eta kudeaketa industrialaren egoera aztertzeko xedez, beharrak identifikatu ahal izateko.
Irtenbide horrek, berrikuntza-prozesuari euskarria eskaini eta digitalizazio-planen aktibazioa aurreikustearekin batera, etekinak eskaintzen dizkie enpresei; hala nola, lehiakortasuna areagotzea, prozesuak hobetzea eta prozesuetan nahiz zerbitzuetan berrikuntzak sartzea.